Android Technology Awareness Blog # 04 : Speed up your Android Smartphone without using any app

Dosto jab hum koi naya Android Smartphone karidte hai, to uske performance se hum kafi satisfied rehte hai.

Par humara android smartphone time ke saath saath slow ho jata hai. Uske performance mein kami aa jati hai.

To yahan main aapko bataunga iss problem ko kaise solve karein.

Humara android smartphone slow hone ke bahot sare reasons hai.

Unme se kuch reasons main aapko batana chahunga. Aur usein kaise solve karein ye bhi bataunga.

 

Tip #1 > Unwanted apps remove karein

Hum play store par free mein shopping to karte rehte hai.

Par kayi saare apps aise hote hai jinhe hum kuch din ke baad use nahin karte.

Aise apps humare android smartphone ki memory use karte hai, isse phone ki performance par fark padta hai.

To jo apps aap use nahin karte unhe uninstall kar dein. 

Tip #2 > Alternate apps use karein

Dosto, Facebook, messenger ya chrome jaise apps ki file size bahot badi hoti hai. Unke updates bhi kafi heavy hote hai.

Developers ye updates naye upgraded android smartphones ko madde nazar rahte hue banate hai, jinki internal memory 32 GB aur RAM 3-4 GB hote hai.

To aise updates agar aap apne kam internal memory aur kam RAM wale android smartphone mein install karenge to jaahir hai phone ke performance par fark to padega.

To in apps ke alternate options uae karein. Jaise Facebook lite ya fir Apus browser.

Ye apps kam RAM use karte hai jisse aapka kam bhi ban jayega aur phone ke performance par koi fark bhi nahi padega.

 

tip #3 > Apps update karne se pehle use jaanch le

Dosto, maine abhi sirf facebook aur chrome ke bareme bataya. Socho agar aapke paas aise 10-12 apps hai to?? To bhai aapka android smartphone to slow hona hi hai.

To sabse pehle play store par jake auto updates ko disable kar do.

Kisi app ko agar aapko update karna hai to sabse pehle uski description padh le, ki bhai aakhir iss app mein kya update kiya gaya hai.

Agar kuch khaas update na ho to naya update aane tak wait karein aur har app ko manually hi update karein.

tip #4 > sabhi catche cleaner, ram booster aur antivirus apps ko uninstall karein

In catche cleaner, ram booster aur antivirus apps ke to kya kehne.

Jo chiz hum manually bhi kar sakte hai, uske liye kisi 3rd party app ki jarurat kya hai?

Aapko jana hai Setting > Storage > Internal memory > Catche data.

Bas yahan manually catche clean karein, par aise heavy uses catche cleaners se apne android smartphone ko bachaiye.

Ram boosters ka to koi bhi use nahi hota aur rahi baat antivirus ki to bhai jab tak aapka android smartphone unrooted hai, virus ko phone mein entry nahi hai.

 

 

tip#5 > Recent apps ko kill na karein

Hum mese kayi log recent apps ko kill kar dete hai. Unhe lagta hai ki isse humare android smartphone ki performance badh jati hai.

Par dosto aapko aisa kabhi bhi nahi karna chahiye.

kyun ki isse phone ki performance acchi hone ke bajay uspar ulta asar hota hai.

Dekho, jaise hum koi app open karte hai; uska data, photos, thumbnails ye app store karta hai jise catche kehte hai.

Woh isiliye taqi jab hum wahi app dobara open karein, to save kiya hua data hume sowp de.

Par agar hum us app ko kill kar dete hai, to dobara us app ko open karte waqt use wahi kam firse karna padta hai. Firse data, thumbnails save honge.

Is douran aap ne dekha hoga ki app open hone aur load hone mein time leta hai. Iska asar humare battery par bhi hota hai.

Aur rahi baat background data ki to humara android smartphone wakahi mein smart hota hai. Wo purane apps ko khud hi kill kar deta hai. To use apna kam karne do. 

 

tip #6 > Unwanted BLOAT WARES disable karein

Jab hum koi naya android smartphone kharidte hai, to usme jo apps inbuild diye jate hai unhe bloat wares kehte hai.

To jo aaps aap use nahi karte unhe disable karein.

 

tip #7 Internal memory clean karein

Camera photos, videos ya phir what’s app images humare android smartphone ke internal memory mein save hote hai.

To jab waqt mile inhe external memory mein move karein.

Sath hi sath, whats app media files hafte mein ek bar jarur check karein.

Purane media files jo hume nahi chahiye wo delete karein.

To jaisehi phone ki internal memory badh jayegi, smartphone ka performance aap khud hi enjoy karenge.

 

tip #8 > System Update

Agar aap purane android versions wale smartphone use kar rahe ho, to system update ko jara dhyan se install karna.

Kyunki latest android version, naye upgraded android smartphones ko madde nazar rakhte hue develop kiye gaye hai.

To aise updates agar aap apne purane versions wale android smartphone mein install karoge, to phone ke performance mein fark padta hai.

Agar aap apne smartphone ki performance se khush hai, to naye updates ko jaanch parakh kar hi install karein.

 

tip #9 > Restart

Mana ke humara android smartphones multi-tasking aur high performance ke liye banaya gaya hai, par ye bhi ek machine hi hai.

Jaise heavy use ke baad aap apne computer ko restart karte ho, waisehi apne android smartphone ko din mein ek bar restart karna accha hota hai.

 

tip #10 > Factory reset

Maine ab tak bataye hue solutions ko follow karne ke baad bhi agar aapka android smartphone slow chalta hai, to apne phone ko ek baar factory reset jarur karein.

Usse pehle apne phone ke sare data ka backup lele, aur reset karne ke baad wahi apps install karein jo aapko important lagte hai.

Mujhe ummed hai ki ye information aapke liye faydemand sabit ho.

Agar aapko kuch suzav ya fir koi shikayat hai to niche comment box mein likhna na bhulna.

Agar aapko ye article accha laga ho to ise jarur share karein, taki kisi aur jaruratmand taq ye information pahuch jayein.

Is topic ka video dekhne ke liye yahan click karein.

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

Leave a Reply

Your email address will not be published. Required fields are marked *