Smartphone Technology Awareness Blog # 45 : Smartphone Camera vs DSLR

Dosto, Photography kise pasand nahi hai? Hum sabhiko photos khichna ya khichwana kafi pasand hai.

Aaj ke zamae ke smartphones mein humein kafi Powerful Cameras milne lage hai.

Arey ab single camera ka to zamana gaya, ab trend hai Dual Camera Smartphones ka.

Aajkal sabhi log Single Camera Smartphone ke bajaay Dual Camera Smartphone kharidna jyada pasand karte hai.

Iske alawa Megapixel ka to bhai kya kehna. Megapixel ka craze to aaj High Demand par hai.

Kayi saarein logon ko ye lagta hai ki Jyada Megapixel matlab behtar camera.

Agar ye baat hum maan bhi jaaye to jara sochiye…

16MP ka DSLR camera kisibhi 16MP ke smartphone camera se behtar perform kyun karta hai? Unka Megapixel to same hi hai na??

Aur to aur 10MP ke DSLR camera ka photography result kisibhi 21MP smartphone camera ke result se bhi kayi gunah accha kyun hota hai?

Aakhir aaisi kounsi baatein hai jahaan megapixel count mayne nahi rakhta.

Aapke in saarein sawalon ke jawaab is article mein mil jayenge.

Ye article hai Smartphone Camera vs DSLR ke baremein.

To chaliye, Let Start.

.

Smartphone Camera vs DSLR 

Sabse pehle hum ye jaan lete hai ki photography ke liye kounsi baatein mayne rakhti hai.

01. Camera lens kaounsi hai?

02. Megapixel Counts kitne hai?

03. Sensor Size kitni hai?

04. Processor kitna powerful hai?

Hum jo photography karte hai unmein in saari batonka accha perform karna behad jaruri hota hai.

Ab hum in batonko madde nazar rakhte hue Smartphone Camera aur DSLR ki comparison karte hai.

.

Smartphone Camera vs DSLR : Camera Lens

Sabse pehle hum baat karte hai camera DSLR lens ke bareme.

Hum sabhiko pata hai ki DSLR photography mein uski lens kitni important hoti hai.

Behtar DSLR photography mein 70% hissa uske lens performance ko diya jata hai.

Camera lens jitni jyada advance aur powerful hogi, result utnahi behtar aayega.

DSLR lens ki baat karein to ye ek Optical Mechanism Technology hai, jisme Viewing Angles, Filter Size, Optical Zoom aur Focal Length specifications bahot hi powerful hote hai.

 

 

Dusri taraf smartphone ki baat karein to yahaan camera lens fit karne keliye bahot hi choti jagah milti hai.

Jiske karan camera lens bhi itni powerful nahi hoti.

Sivaay viewing angles ki limit kafi kam hoti hai, filter size bhi choti hoti hai, focal length bhi kuch khaas performance nahi de pati.

Optical zoom ki baat karein to abtak ye technology sirf DSLR camera mein hi mohjud hai.

Smartphone camera mein to Digital zoom hota hai, jiske karan jyada zoom karne par object ki clarity dhundli pad jati hai aur kafi saarein grain (noise) bhi aa jate hai.

.

Also Read :

.

Smartphone Camera vs DSLR : Megapixel Count

Dosto, yahaan Megapixel ka matlab hota hai Million Pixels.

1 Megapixel mein 1 million matlab 10 lacs pixels hote hai.

Agar hum kisi photo ko zoom karke dekhein to usmein humein bahot hi chote chote square boxes dikhayi denge. Unhi square boxes ko pixel kehte hai.

Jaise humara smartphone ka camera banta hai; usmein Lens, Aperture aur Sensor aisi 3 layers hoti hai.

To ye pixels us Sensor mein base hote hai.

.

.

Pixel ka kaam kya hota hai?

Hum jab bhi kisi photo ko click karte hai, ye pixels us click kiye hue photo ki information collect karte hai.

Jaise ki photo mein light jyada hai ya kam, usme kitne aur kaun kaun se colours hai, colours ki depth kitni hai, photo ka brightness/contrast kaisa hai, kouse object ko kitna aur kis jagah focus kiya hai, kounse object ko defocus kiya hai aur bhi bahot kuch.

To yahaan megapixels count jitne jyada honge, photo mein utnihi detail humein dekhne milegi.

DSLR aur Smartphone mein agar equal megapixel count bhi rahe fir bhi yahaan baat aati hai sensor size ki.

.

Smartphone Camera vs DSLR : Sensor Size

Abhi humne megapixel count ke baremein jaana, ke ye pixels isi sensor mein base hote hai.

Ab yahaan kuch baatein baat thik se samaz lo…

01. Sensor size jitni badi hoti pixel ka size bhi utnahi bada hoga.

02. Pixel size jitna bada hoga, wo utnehi badhiya tarikese kaam karega aur utnihi jyada detailed information collect kar payega. Pixel ka size jitna kam rahega, utni kam information collect ho payegi.

Ab aasan bhasha mein samjhte hai.

Maanlo humein 1 sq.ft. jagaah ke 100 hisse banane hai, yahaan ek hissa 1 sq.ft ke 100 ve hisse jitna hota.

Dusri taraf humein 10 sq.ft. jagaah ke 100 hisse banane hai, to yahaan ek hissa 10 sq.ft. ke 100 ve hisse jitna hoga.

Iska matlab jitni jyada jagah, utna hi bada hissa.

Smartphone camera aur DSLR ke saath bhi kuch aisa hi hota hai.

Smartphone camera ki sensor size bahot hi choti hoti hai, to wahi DSLR ki sensor size usse 3-4 gunaah badi hoti hai.

Jitni jyada size, pixel ka size utna hi bada hoga

Pixel size jitna bada, utnihi jyada information collect ho payegi.

.

Also Read :

.

Smartphone Camera vs DSLR : Processor

Camera Lens, Aperture, Megapixel, Sensor Size, Shutter Speed, ISO, White balance, Colour Intensity in sab baton ke saath hi Device ka Processor bhi utnahi important hai.

Smartphone Ka Processor jitna powerful hoga, wo utnihi Powerful Camera Technology ko accept kar payega.

Jiske chalte camera performance bhi behtar ho jayega.

.

Smartphone Camera vs DSLR : Conclusion

Agar hum 16MP ka Smartphone camera aur 16MP ka DSLR camera ka comparison karte hai..

To yahaan bhale hi Megapixel counts dono ke same hai, DSLR ki sensor size kafi badi hoti hai.

Jiske chalte usmein basey pixels bhi size mein bade honge.

Aur ye bade pixels click kiye hue photo mein..

  • Kitne aur kaun kaun se colours hai,
  • Photo ka brightness/contrast kaisa hai,
  • Kouse object ko kitna aur kis jagah focus kiya hai,
  • Kounse object ko defocus kiya hai,
  • Photo mein light kitni aa rahi hai,
  • White balance proper hua hai ya nahi,

ye saari information bahot hi detail mein collect kar payenge.

Dusri taraf DSLR ke saamne Smartphone Camera mein Sensor Size kafi choti hoti hai. Jiske chalte pixel size bhi choti hoti hai.

Isiliye wo pixels DSLR ke mukable bahot hi kam information collect kar pate hai.

To agar hum 10MP ka DSLR camera bhi 21MP ke Smartphone camera se compare karein, fir bhi yahaan 10MP ka DSLR camera baazi maar leta hai.

 

.

Android Artist Suggestion 

Dosto, agar aap kabhi bhi kisi smartphone ke camera ke specifications dekh ke smartphone kharidna chahte ho, to sirf Megapixel number ko dekh kar hi apna decision na le.

Us smartphone mein jo camera istemal kiya hai uski sensor size bhi jarur check karein.

Kyunki kam sensor size wala aur jyada megapixel wala camera kuch kaam ka nahi hota.

Agar aap kisi Rs. 15,000 wale 16MP camera smartphone ko  Rs. 60,000 wale 16MP camera smartphone ke saath compare karein, to Rs. 60,000 wala smartphone baazi maar leta hai. Kyunki uski Sensor Size badi hoti hai.

Kuch smartphone companies sirf camera megapixel ke naam par apna ghatiya product bahot hi jyada keemat par bech rahe hai.

Ye companies aisa kyun kar paati hai, kyunki hum users mein Smartphone Technology ke baremein Awareness nahi hai.

Aur kam knowledge hone ke kaaran ye companies humara galat fayde uthakar humein bewkuf banati hai.

Is website ke jariye logon mein Smartphone Technology ke baremein awareness laane ki ye meri ek chhotisi koshish hai.

Ummed karta hoon ke aapko meri ye koshish acchi lage.

Aapko is website mein aise kayi saarein articles mil jayenge, jinke baaremine shayad aapko kam jaankari ho.

Is website se jude rehne ke liye aap humara Android App jarur download karein jo ki bilkul free hai.

Aapko ye article kaisa laga ye niche comment box mein likhna na bhuliega.

.

Also Read :

.

दोस्तों आपको ये article कैसा लगा ये निचे comment box में लिखना ना भूलियेगा.

अगर आपको कोई सवाल या सुझाव हो तो मुझे जरूर बताना.

तो चलिए चलता हूँ.

जल्द ही मिलूंगा कुछ नए interesting topic के साथ.

तब तक के लिए अलविदा.

Follow Facebook Page

Join Facebook Group

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

2 Comments

  1. Author

    Kya aapko lagta hai ki aane wale samay mein smartphone camera DSLR se mukabla kar payega?

Leave a Reply

Your email address will not be published. Required fields are marked *