Android Technology Awareness Blog # 03 : Simple but effective battery saving tips

Dosto, Smartphone mein battery life ki dikkat lagbag hum sabko hoti hai.

Humare smartphones din-bar-din behtar hote ja rahe hai, par battery ke mamle mein itni khaas improvement nahi hai.

Hum sabhi chahte hai ki humare smartphone ki battery life behtar ho, humara smartphone bina charge kiye kam se kam ek din to aaram se chal jayein.

To yahan main aapko kuch battery saving tips dena chahunga, jiske madad se aap apne smartphone ki battery life behtar bana sakte hai.

.

Battery saving Tip # 1 > Screen Timeout kam karein

Dosto, smartphone ka screen timeout jitna jyaada rahega, battery utnihi kharch hogi.

To apne smartphone ka screen timeout thoda kam kare (30 secs – 1 min), isse battery save hone mein madad hogi.

.

Battery saving Tip # 2 > WiFi, GPS aur Bluetooth services band karein

WiFi, GPS aur bluetooth services humesha naye connection ke liye active rehti hai, to aise mein battery kharch hona aam bat hai.

To jab jarurat na ho tab in services ko band karein, isse battery save hone mein madad hogi.

.

Battery saving Tip # 3 > Live wallpapers na rakhein

Aapko shayad ye baat pata nahi ho par, fancy ya live wallpapers humare smartphone ke battery life ko khatam kar dete hai. To aise wallpapers na rakhein.

Aur ek baat, aapke smartphone ka wallpaper jitna dark rahega, battery utnihi save rahegi. So, GO DARK.

.

.

Battery saving Tip # 4 > Original mobile chargers hi use karein

Fake ya saste mobile chargers jo road side par milte hai, unhe use na kare. Kyunki aise mobile chargers battery life ko kam kar dete hai.

To agar aap lambi battery life chahte ho to original mobile chargers hi use karein.

.

Battery saving Tip # 5 > Smartphone ki animation scale control kijiye

Smartphone ki animation scale ab hum control kar sakte hai.

Apko jana hai, Setting > About Phone, aur wahan Build Number ko 7 baar tap karna hai.

Isse aapke settings mein Developers Options ka menu aa jayega, Isme aapko Animation scale ke 3 options najar aayenge.

  • Window Animation Scale
  • Transition Animation Scale
  • Animation Duration Scale

Animation scale jitni jyada rahegi battery utnihi kharch hogi.

To apne smartphone ki animation scale 0.5x rakho, isse battery save hone mein madad hogi.

.

Battery saving Tip # 6 > Fancy launchers use na karein

Fancy launchers hum sabhi ko pasand aate hai. unke transitions aur special effects hume bahot acche lagte hai.

Par aise launchers humare smartphone ki battery life ko kam kar dete hai. To aise launchers use na karein.

.

Battery saving Tip # 7 > Sabhi battery saver apps uninstall karein

Chouk gayein??

Par kya aapko lagta hai ki aise so-called battery saver apps humare smartphone ke battery life ko sach mein save karte hai?

“Bilkul nahin!”

Balki aise apps background mein humesha chalu rehte hai, aur yahin apps sabse jyada battery use karte hai.

To agar aapke smartphone mein aisa koi bhi battery saver app mohjud hai, to use isi waqt uninstall karein. Appko jarur fark mehsus hoga.

.

Battery saving Tip # 8 > Pre-installed battery saver use karein

Maine aapko abhi bataya ki sabhi battery saver apps uninstall karein, kyunki wo kuch kam nahi karte.

Aap shayad ye jante nahi honge ki humare smartphone mein ek battery saver pehlese hi mohjud hai.

Aapko jana hai Settings > Battery > Options.

Aap ye battery saver use kar sakte hai aur yakin maniye, isse battery jarur save hoti hai.

.

Battery saving Tip # 9 > Take a rest

Dosto, humara smartphone ek machine hai. Jitna kam karega utnihi battery use karenga.

To usein jara chain ki saans lene do.

Take a rest !!

Aur ho sake to raat ko sote samay smartphone switch off karein.

Dosto, mujhe ummed hai ki ye information aapke liye faydemand saabit ho.

Agar aapko kuch sujhav ya sikayat ho to niche comment box mein lihna na bhulna.

Agar aapko ye article accha laga ho to ise jarur share karein, taki kisi aur jaruratmand taq ye information pahuch jayein.

.

.

.

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

Leave a Reply

Your email address will not be published. Required fields are marked *