Smartphone Technology Awareness Blog # 55 : 15 Reasons Not To Buy Realme 2 Pro

Dosto, jaise ki hum sabhi ko pata hai ki Oppo ke Sub-brand Realme ne apna Realme 2 Pro smartphone kafi aggresive keemat par launch kiya hai.

Qualcomm Snapdragon 660 ka powerful processor diya gaya hai..

yahaan humein bahot hi aakarshak dikhne wala waterdrop notch design dekhne mil jata hai..

Saath hi iske humein 3 alag alag Colour & RAM varient bhi mil jate hai.

Iske on-paper specification ki baat karein to ye bahot hi badhiya smartphone dikh raha hai.

Par agar saari specifications ko dhyan se padhe, to ismein kafi saari kamiyaan nazar aati hai.

Jiske chalte hum ye andaza laga sakte hai ke aakhir kyun ye smartphone itne kam keemat mein launch hua hai.

To bina kisi deri se hum baat karte hai RealMe 2 Pro ke 15 Problems ke baremein.

.

Par Sabse pehle jaan lete hai iske specifications kya hain…

Realme 2 Pro Specifications

Display

  • 6.3 inches 2340×1080 Pixels Full HD+ 19.5:9 Aspect Ratio

Processor

  • Qualcomm Snapdragon 660 Octa Core 1.95 GHz

Software

  • Android 8.1 Oreo-based Color OS 5.2

RAM

  • 4GB
  • 6GB
  • 8GB

Storage

  • Internal : 64 GB/ 128GB
  • Expandable : Upto 256GB

Camera

  • Primary : 16MP (f/1.7) + 2MP (f/2.4)
  • Secondary : 16MP (f/2.0)

Battery

  • 3500 mAh Non-Removable

Price

  • 4GB RAM + 64GB Internal Storage = Rs. 13,990/-
  • 6GB RAM + 64GB Internal Storage = Rs. 15,990/-
  • 6GB RAM + 128GB Internal Storage = Rs. 17,990/-

.

Ab hum baat karte hai Realme 2 Pro ke problems ke baremein

Realme 2 Pro Problems (Cons)

Problem # 1 : Average Build Quality

Agar hum Realme 2 Pro ko dhyan se dekhein, to humein uska look kafi Premium lagta hai.

Par Premium dikhna aur wakahi mein Premium hona ismein fark to hai na.

Is smartphone ki body bani hai Polycarbonate material se.

Aasan bhasha mein kahein to is smartphone ka back panel Plastic se bana hai.

Jee haan doto, ye sirf dikhne mein glass jaisa lag raha hai, par hai to plastic ka hi.

Saath hi iski frame bhi plastic ki hi hai.

Aur to aur jo so called “Polycarbonate Material” iske back panel mein lagaya hua hai wo fingerprint magnet hai.

Jiske chalte aapko back panel baar baar saaf karna padne wala hai.

To dosto, agar aap is 2018 mein 14,000/16,000/18,000 rupaye kharch karke Plastic Material ke back panel wala smartphone kharid rahe ho, to bhai aapko iske baremein jarur sochna chahiye.

.

Also Read :

.

Problem # 2 : TFT LCD Display Panel

Jaise hi ye smartphone launch hua, waise hi kaafi saare logo ne ise kharidne ke liye apni kamar kas li hai.

Itne kam keemat mein milne wala 19.9:5 Aspect Ratio aur Waterdrop Display dekh kar saare log dang rah gaye hai.

Par main jo baat aapko batane wala hoon, usse shayad aapke hosh udne wale hai.

Dosto, jis behtarin dikhnewale display ke piche aap baawle ban gaye ho, usmein TFT LCD Display panel laga hua hai. Jee haan !!

TFT LCD Display panel jo ki humein jyadatar 10,000 rupaye ke niche wale smartphone mein dekhne mil jata hai.

Haalan ki ye normal TFT display nahi hai.

Ye hai LTPS TFT LCD Display, jo ordinary TFT se behtar hai.

Par dosto ye IPS jitna behtar to bilkul bhi nahi hai.

Is Smartphone ko Competition dene wale Smartphones mein IPS LCD Display Panel dekhne mil raha hai.

Colour Contrast, Vibrancy, Punchy Colours aur Viewing Angles ki baat karein to IPS LCD display, TFT display se kayi gunah accha result deta hai.

To dosto, agar aap ye smartphone kharidne ki soch rahe hai to aapko iske baremein jarur sochna chahiye.

.

Problem # 3 : Under-clocked Processor

Jaise ki launching event mein specification mein bataya gaya ke is smartphone mein Qualcomm Snapdragon 660 istemal kiya gaya hai, to saarein logon ko bahot hi khushi hui.

Kyunki 18,000 rupaye mein agar humein snapdragon 660 AIE Processor milne wala hai, to kise khushi nahi hogi.

Par main ye aapko bata du, ke is chipset ko under-clocked kiya gaya hai.

Waise dekha jaaye to Snapdragon 660 Processor ko 2.2 GHz par clock kiya jata hai.

Jis jis smartphones ne is processor ko apnaya hai un sabhi devices mein ise 2.2 GHz par hi clock kiya gaya hai.

Par yahaan Realme 2 Pro ke official website par ise 1.95 GHz par under-clocked mention kiya gaya hai.

Jiske chalte aapko yahaan acchi Performance to mil jayegi, par yakin maniye wo best nahi hogi.

.

Also Read :

.

Problem # 4 : Downgraded Battery Capacity

Jaise hi hum aksar dekhte aa rahe hai ki kisi bhi smartphone ka agar PRO version ata hai to wahan usmein upgrade kiya jata hai.

Based version se compare karein to PRO version ke specifications behtar hote hai.

Dekha jaaye to Realme 2 ke comparison mein Realme 2 Pro ke specs bahot hi kammal ke hai, ismein koi shak nahi hai.

Par agar battery capacity ki baat karein to is PRO version mein ise kam kar diya gaya hai.

Jahaan Realme 2 mein battery capacity thi 4230mAh ki, to wahi Realme 2 Pro ki battery capacity hai 3500mAh ki.

Agar developers yahaan kam se kam 4000mAh ki bhi battery capacity dete, to ise satisfactory mana ja sakta tha.

Par yahaan is PRO version mein Battery Capacity ko Downgrade kar diya gaya hai, jo ki bahot hi nirashajanak hai.

.

Problem # 5 : No Fast Charging Support

Ek taraf is Pro version ke Battery Capacity ko downgrade kiya gaya hai, to dusri taraf aapko yahaan Fast Charging ka support bhi nahi milta.

Dosto, agar kisi smartphone mein snapdragon 660 AIE jaisa powerful processor laga hai, to jahir si baat hai yahaan battery ki jyada khapat to hogi hi.

Jyada tar smartphone companies apne device mein fast charging ka support to dete hai par out-of-the-box fast charger ke badle normal charger hi milta hai.

Aise mein hum kisi 3rd party fast charger istemal kar dete hai.

Par yahaan to humein fast charging ka support hi nahi mil raha.

To agar aap is Powerful Processor ke Powerful Smartphone ko Powerful heavy use karte hai, to bhi aapko yahaan Powerful Charging ka support nahi milne wala.

.

Also Read :

.

Problem # 6 : No Type C Support

Dosto, Humein yahaan charging aur data transfer ke liye Micro USB port hi mil raha hai.

Halaan ki Realme 2 pro ke price range ke competitors Motorola One Power aur Nokia 6.1 Plus mein humein Type-C port mil jata hai.

Par Yahaan humein Micro USB port se hi kaam chalana padne wala hai.

Jiska seedha asar aapke Data Transfer Speed par padega.

.

Problem # 7 : Low Camera Performance

Camera Performance ki baat karein to is price range mein humein aur bhi behtar camera smartphones dekhne mil jate hai.

Nokia 6.1 Plus offer karta hai 16MP + 8MP Rear camera to Motorola One Power offer karta hai 16MP + 5MP Rear camera.

To wahi Realme 2 Pro offer karta hai 16MP + 2MP Rear camera, jo ki thoda nirashajanak hai.

18,000 rupaye ke liye aisa camera setup laajmi nahi hai.

Dusri taraf kayi sare reviewers ka ye bhi kehna hai ki iski low light performance itni acchi nahi hai.

Saath hi iske Bokeh Effect Mode mein edges ki sharpness kafi kam hai.

Colour production mein itna dum nahi hai.

Wahi iska front facing camera thik thak hai.

.

Problem # 8 : No 4K Video / No Slow Motion Video Support

Dosto, aapko yahaan video recording ke liye 1080p resolution se hi khush rehna padega.

Kyunki ye smartphone 4K video recording ko support nahi karta.

Saath hi aap yahaan Slow Motion video bhi capture nahi kar sakte.

Shayad aage chalke OTA update dwara ise slow motion support mil sakta hai, par iski koi bhi guarantee nahi hai.

To agar aap 4K aur slow motion video support ko humesha istemal karte aa rahe hai, to ye smartphone aapke liye nahi hai.

.

Also Read :

.

Problem # 9 : No Front Flash

Camera ki baat kar rahe hai to main ye aapko bata doon, ki aapko yahaan front camera flash support nahi milta.

Jahir si baat hai ki yahaan aapko waterdrop notch display mil raha hai, to flash install karne ke liye jagah hi nahi bachi.

Ab realme walon ka ye kehna hai ki bhai agar aisi aakarshak notch display chahiye to aapko front flash support nahi milega.

Ye behatarin dikhnewali waterdrop design lelo aur andhere me hi apna selfie khichlo. Waah bhai waah!!!

.

Problem # 10 : No FM Radio

Agar aapko realme 2 Pro kharidna hai to aapko apni FM Radio sunane ki aadat chodni padegi.

Aapko is smartphone mein FM Radio sunane ki ijajat nahi hai.

Kyunki Yahaan FM Radio ka support hi nahi hai.

Bajao Tali  👏🏻👏🏻

.

Problem # 11 : No LED Notification Light

Agar kuch mahatvpurn kaam karte waqt beech beech mein aapka dhyan smartphone ke notification light par jata hai, to aapke liye ek acchi khabar hai.

Realme walon ne is par gour farmate hue is samssya ka nivaran kiya hai.

Jiske chalte aapka apne mahatvpurn kaam se laksh vichalit nahi hoga.

Agar aap Realme 2 Pro kharidate ho to yakinan kaam karte hue aapki najar baar baar notification light ki taraf nahi jayegi.

Kyunki in kambaqt Realme walo ne ye LED notification light di hi nahi hai.. Bolo jai mata di !!

Dosto, agar aap notification light se “use to” ho chuke hai, to aapko ye smartphone pasand nahi aayega.

Notification light na hone ke karan aapko notifications dekhne ke liye baar baar screen ko on karna padnewala hai.

.

Problem # 12 : No NFC Support

Agar aap wireless payment ko istemal karte hai to bhai aap is smartphone se jara dur hi rahein.

Kyunki aapko yahaan NFC support bhi milnewala nahi hai.

Agar aapne Realme 2 Pro kharida, to aapko humesha apne credit aur debit cards ko saath leke ghumna padega.

.

Also Read :

.

Problem # 13 : No Widevine L1

Agar aapka Netflix ya Amazon Prime Video par subscription pack hai to aapke liye hai ek khaas offer.

Realme walon ne is smartphone ke liye Widevine CDM L1 ka license hi nahi liya hai.

Jiske chalte aapko yahaan milta hai Widevine CDM L3 ka support.

Jis wajah se aap Netflix ya Amazon Prime Video par Full HD Resolution mein video nahi dekh paoge.

Aapne subscription ke paise to pure diye honge, par bhai aapko yahaan Full HD ke bajaay sirf HD resolution se hi kaam chalana padega.

Manjur hai to janaab jaiye aur jaldi se ye smartphone kharid lijiye.

Aur payiye Full HD+ waterdrop notch design display mein HD video dekhne ka sunehra mouka.

Offer sirf kuch Naadan Parindo ke liye hi seemit hai.

.

Problem # 14 : No Compass Sensor

Ye bahot hi hairani ki baat hai ki realme ne Snapdragon 660 jaise powerful Processor laalach dikhakar, Smartphone me se ek important sensor nikal diya hai.

Aapko yahaan Compass sensor nahi milega.

Compass sensor, jo ki Google Maps Navigation ke liye bahot hi important sensor hai.

Agar is smartphone mein compass sensor nahi hai to, aapko Google Map Navigation mein aur apna location share karne ke liye problems aa sakti hai.

Compass sensor na hone ke karan yahaan accuracy mein fark dikhayi de sakta hai.

.

Problem # 15 : Childish Colour OS

Ohh bhai, sirf hardware ke baremein hi baat karte rahoge ya software ke baremein bhi kuch bologe.

Kya aapne kabhi ColourOS istemal kiya hai??

Agar nahi kiya to bhai kabhi karna bhi mat.

Arey Childish OS hai yaar!!! Top english mein bole to ekdum Sarvsaadharan.

Slightly desaturated theme, Squircle shaped icons aur fuddu sa notification panel design.

Kafi saare ColourOS users ko ye ColorOS bilkul bhi pasand nahi aya.

Ye OS Realme 1 aur Realme 2 mein bhi dekhne mil jata hai.

Agar chahe to aap iske reviews purchasing site lar jake padh sakte hai.

Kaash yahaan humein ek stock android using experience milta. Khair jaane do.

.

Also Read :

.

Conclusion

Dosto, in tamaam problems par hum gaur farmate hai to, humein is Realme 2 Pro mein kafi saari problems hai ye samaz aata hai.

Iske chalte ye bhi samaz aata hai ki aakhir kyun Realme ne is smartphone ko itne kam keemat par launch kiya hai.

Main ye nahi kehta ki Realme 2 Pro smartphone bura smartphone hai.

Ye wakahi mein ek Powerful Processor ke saath ye On-paper bahot hi badhiya smartphone dikhayi deta hai.

Par agar hum apni mehnat ke paise kharach kar ke koi product kharid rahe hai, to us product ki acchayion ke saath saath burai ke baremein humein pata hona jaruri hai.

Iske chalte ab aap decide karo ki kya aapke liye in problems ke liye value hai ya nahi.

Agar aapko in saare problems se koi aitraaz nahi hai, to yakinan aap is smartphone ko kharid sakte hai.

Ye article aapko kaisa laga ye niche comment box mein likhna na bhuliyega. 

Follow Facebook Page

Join Facebook Group

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

1 Comment

Leave a Reply

Your email address will not be published. Required fields are marked *