Smartphone Technology Awareness Blog # 57 : Quad Camera Technology Explained.

Dosto, aaj hum sabhi ke haath mein hai latest smartphones, jo behtar se behtarin technology se humein robaroo kara rahe hai.

Aisi technology jiski kuch salon pehle humein jara si bhi bhanak nahi thi.

  • Super AMOLED QHD+ Display
  • Octa Core AI Processors
  • 8GB RAM
  • 2TB Expandable Storage
  • 5500mAh battery
  • Wireless Charging
  • In-Screen Fingerprint Scanner
  • 3D Face Recognition
  • Triple Camera Setup

…jaise features ne is Smartphone Technology ko nayi unchayionpar leke rakh diya hai.

Ab agar hum camera technology ki hi baat karein to haal hi mein Samsung ne apna Quad Camera Technology ka smartphone market mein launch kar diya hai.

Quad Camera Technology mein hote hai piche ki taraf 4 camera.

Samsung ke is Quad Camera Smartphone ka naam hai Samsung Galaxy A9.

Ab yahaan sochnewali baat ye hai bhai ek smartphone mein in 4 camera ka aakhir kaam kya hai.

To chaliye jaan lete hai ki ye Quad Camera Technology humare Smartphone Photography ko kis had tak le ja sakti hai.

.

Quad Camera Technology

Dosto, agar hum baat karte hai Best Photography ki, to usmein aiska kya khaas hota hai?

  • Ek to uski clarity acchi ho…
  • Uska sharpness accha ho…
  • Image mein object ki behtar details mili ho…
  • Vibrant Colors ho…
  • Depth acchi mili ho…
  • Image ka exposure aur white balance behtar ho.

In saare baatonka acchese perform karna hi kisi ordinary photo ko Best Photography ka taaj dila sakta hai.

Aisi performance ke liye ‘Visual Sense’ ke saath saath camera lens ka bhi bahot bada role hai.

Jahaan tak baat aati hai DSLR Photography ki to Camera body aur Optical lenses aapko bahot hi badhiya result de dete hai.

Par agar hum Smartphone photography ke baremein baat karte hai to yahaan DSLR jitne powerful lenses nahi hote.

DSLR ke mukable smartphones kafi compact hote hai aur woh din-bar-din slim hote ja rahe hai.

Smartphone ka camera aur uski lens bahot hi choti hoti hai.

Kyunki us camera ko smartphone par fit karne ke liye bahot hi kam jagah milti hai.

Jiske karan aaj smartphone ka photography performance enhance ke liye Dual Camera, Triple Camera ke baad ab Quad Camera Technology ubhar ke aayi hai.

Samsung Galaxy A9 Smartphone mein har ek camera lens alag alag kam karti hai.

To chaliye ab jaan lete hai ki in charon camera ka aakhir kya kya kaam hai.

.

Also Read :

.

Camera # 1 : Wide Angle Camera

.

Samsung Galaxy A9 ki jo 1st lens hai wo hai Wide Angle Lens.

Dosto jab hum kisi particular place ka photo khinchte hai, to camera lens mein jitna area sama pata hai utnahi composition humein mil jata hai.

Agar humein jyada area cover karna hai to humein 2-3 kadam piche jana padta hai, tabhi wo area frame mein aa payega.

Par agar humare paas ek wide angle lens ho, to ye problem solve ho sakti hai.

Hum jab normal camera lens se photo khinchte hai tab woh photo 90° angle mein khincha jata hai.

Par agar hum wide angle lens se photo khinchte hai to photo 120° angle mein khincha jata hai.

Jiske badoulat humein capturing frame mein 33% jyada area mil jata hai.

Agar aap koi group photo le rahe ho to ye wide angle camera aapke bahot kaam aa sakta hai.

Saath hi landscape photography ke waqt ye option aapke liye kisi toufe se kam nahi hai.

Professional photographers aise result ke liye ek alag si optical lens istemal karte hai.

Unhe apni primary lens nikalkar koi wide angle lens lagani padti hai.

Par yahaan smartphone mein aapko sirf wide angle option ko choose karna hai, bass ho gaya kaam.

Smartphone photography ke liye wide angle ka option hona ye wakahi mein ek kamaal ki baat hai.

.

Also Read :

.

Camera # 2 : Telephoto Camera

.

Samsung Galaxy A9 mein dusra camera diya hai Telephoto lens ka.

Is lens ka direct connection hai zoom se.

Agar humein kisi object ko shoot karna hai jo humse thoda dur hai, to hum apne smartphone camera mein zoom kar lete hai.

Smartphone camera ka ye zoom feature DSLR zoom se ekdum alag hai.

Smartphone mein hota hai Digital Zoom to wahi DSLR mein hota hai Optical Zoom.

Digital zoom ye smartphone ke processor par depend karta hai, ki ye camera kitna zoom kar payega.

Par yahaan digital zoom hone ke karan photography pe gehra asar padta hai.

Digital zoom jitna jyada hoga, picture utni hi noisy aayegi, usmein grains kafi jyada rahenge.

Par jahaan tak baat aati hai optical zoom ki to ye nirbhar karta hai camera lens ke mechanism par.

Optical lens ye kuch lens ka samuh (Group of lenses) hota hai jo mechanically zoom ke liye madadgar sabit hota hai.

Optical zoom mein picture ka noisy hone ka pramaan kafi kam hota hai.

Proper lighting condition mein optical zoom ki photography bhi kafi shaandar hoti hai.

Smartphone ke is Telephoto lens mein yahi optical zoom mechanism hota hai.

Jiske badoulat hum kisi bhi dur ke object ko kafi badhiya tarikese capture kar sakte hai.

.

Also Read :

.

Camera # 3 : Main Camera

.

Samsung Galaxy A9 ka Main Camera hai tisre number par, jo ki hai 24MP ka f/1.7 aperure ke sath mein.

Kayi logon ka ye maanna hai ki smartphone ke Main Camera ka Megapixel jitna jyada hota hai, photo quality bhi utnihi badhiya hoti hai.

To bhai aisa bilkul bhi nahi hai!!

Photo quality sirf Megapixel par hi depend nahi hoti.

Aur bhi kayi saare aisi baatein hai jo kisi bhi photo result ko khoobsurat bana deti hai.

Megapixel count ke saath Camera Sensor bhi untnahi important role play karta hai.

Sensor size jitna bada hoga, photo quality bhi utnihi tagdi hogi.

Example ke liye Oppo F9 Pro aur Google Pixel 3 ki baat karte hai.

Oppo F9 Pro mein hai 25MP ka main camera to wahi Google Pixel 3 mein hai sirf 12MP ka main camera.

Par agar camera performance ki baat karein to Google Pixel 3 ki photo quality Oppo F9 Pro se kafi behtarin hai.

Google ne apne camera ke liye Sony IMX363 sensor istemal kiya hai jiske size hai 1.4µm.

Ye smartphone ke duniya mein ab tak ka best sensor hai.

Isi karan Google Pixel 3 ka 12MP ka camera Oppo F9 Pro ke 25Mp camera ka beat kar deta hai.

Samsung Galaxy A9 ke main camera ki Aperture size hai f/1.7, jiske badoulat humein low lighting condition mein bhi bahot hi badhiya result mil sakte hai.

Megapixel Count, Sensor Quality aur Aperture Size ke saath hi Resolution, lighting condition aur Focal Lenght ki bhi utnihi ehmiyat hai.

.

Also Read :

.

Camera # 4 : Depth Camera

.

Samsung Galaxy A9 smartphone ka 4th camera hai 5MP ka jo ki Depth Sensing ke liye kaam aata hai.

Hum sabhine Bokeh Effect ke baremein to suna hi hoga, jismein object ke piche ka hissa blur ho jata hai.

Aaj hum sabhi Dual Camera Technology ko istemal karte hai, jismein secondary camera depth sensing ke liye hota hai.

Pichle kuch salo se apne smartphone camera ko DSLR camera ke saath compare karte aa rahe hai.

Jiske chalte aaj humein apne smartphone mein Bokeh effect dekhne mil jata hai.

Waise dekha jaye to jis smartphone mein Depth Sensing ke liye alag sa camera nahi bhi ho, usmein bhi Bokeh effect kuch had tak mil jata hai.

Par agar baat aati hai dedicated depth camera ki to bhai yahaan humein bahot hi badhiya Bokeh effect dekhne mil jata hai.

.

Also Read :

.

.

Conclusion

Dosto, ab aapko pata chal hi gaya hoga ki aakhir kyun smartphone technology mein aaj Quad Camera Setup dekhne mil raha hai.

Iska sirf ek reason hai… Humare Smartphone Photography ko Behtar Banana.

Kuch saalon se Selfie Trend ne sabhi ko deewana bana liya hai.

Par aaj aise multi camera setup ke wajah se kafi log Traditional Photography ki taraf badh rahe hai aur apne photographic skill ko behtar banate jaa rahe hai.

Dosto, aapko ye article kaisa laga, ye niche comment box mein likhna na bhuliyega.

Agar aapko ye information acchi lagi ho to ise apne doston ke saath jarur share kijiyega.

Follow Facebook Page

Join Facebook Group

 

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

Leave a Reply

Your email address will not be published. Required fields are marked *