OnePlus6T Specs with Pros & Cons

Kuch solon pehle agar hum Flagship Android Smartphones ki baat karein to humare zubaan pe sirf ek hi naam ata tha.. Samsung.

Par jabse Smartphone Market mein OnePlus ne entry ki hai, tabse Samsung walon ke to hosh udd gaye hai.

Jahaan Samsung apne Flagship smartphones 60K-80K price range mein launch karta hai, wahi OnePlus uske takkar ke apne smartphone 30K-40K price range mein launch karta hai.

Smartphone Market mein Samsung agar “Flagship King” ke naam se jaana jata tha to wahi OnePlus ne apne liye “Flagship Killer” naam ka taaj haasil kar liya hai.

Aaj ke tarikh mein Samsung ka 50% se bhi jyada market isi “Flagship Killer” OnePlus ne loot liya hai.

OnePlus naam ke chinese smartphone brand ne ek se badhkar ek smartphone devices market mein laaye hai, jinko hum behad pasand karte aa rahe hai.

Haal hi mein OnePlus ne apna OnePlus 6T smartphone launch kiya hai.

To is article mein hum usi “Flagship Killer” OnePlus 6T ke baremein baat karne wale hai.

To chaliye, Get Started.

.

OnePlus 6T Overview

Jaise hum sabhiko pata hai ki OnePlus saal mein sirf 2 smartphones launch karta hai.

Saal ke beech mein unka Primary smartphone launch hota hai aur saal ke ant mein us smartphone ka successor launch kar diya jata hai.

OnePlus 6 ke behtarin success ke baad haal hi mein uska successor OnePlus 6T launch kiya hai jiske specifications to humne jaan liye hai.

Samsung ke tri-camera aur quad camera setup smartphones ke baad ek bada hi havva macha hua tha ke OnePlus 6T mein bhi tri-camera setup dekhne milne wala hai.

Par OnePlus walon ne us jhoothe gubbare ko fod diya hai.

Ab ye ho sakta hai ki agle saal OnePlus apne OP7 smartphone mein shayad tri-camera setup le aaye.

Pichle Saal tak “Flagship Killer” rehne wale OnePlus brand ko is saal kafi kadvi takkar dekhne mili.

Xiaomi, Honor aur Asus jaise brands ne OnePlus ke price segment mein hi apne Flagship smartphone launch karke OnePlus ko karara zatka diya hai.

Xiaomi ka Poco F1, Honor ka View 10 aur Honor Play ke saath hi Asus ne apna Asus Zenfone 5Z market mein launch karke Smartphone Market mein bahot hi badi jang chhed di hai.

Jiske chalte OnePlus ke Market share ko bhi kafi nuksaan pahoch chuka hai.

Aisemein Sabhi ki nazar thi OnePlus ke OP6T smartphone ke upar, ki aise competitive halaat mein OnePlus kounse specifications leke market mein utrega.

Xiaomi, Honor, Asus ke saath saath Samsung bhi OP6T ke specifications dekhne ke liye kafi utavla tha.

Jiske chalte Baki brands bhi apni strategy bana paye.

To chaliye pehle dekh lete hai ki OnePlus 6T mein humein kya kuch khaas milta hai. 

.

OnePlus 6T Specifications

Dimensions

  • 157.5 x 74.8 x 8.2 mm

Weight

  • 185 grams

Material

  • Glass

Colors

  • Mirror Black
  • Midnight Black

Display

  • 6.41 inches
  • 2340 x 1080 Pixels Resolution
  • 19.5:9 Aspect Ratio
  • Optic AMOLED Display Pannel
  • 2.5D Corning Gorilla Glass 6

Operating System

  • OxygenOS based on Android 9.0 (Pie)

CPU

  • Qualcomm Snapdragon 845
  • 10nm FinFET Technology
  • 2.8 GHz Octa core Processor with AIE

GPU

  • Adreno 630

RAM

  • 6 GB
  • 8GB
  • LPDDR4X

Storage

  • 128 GB
  • 256 GB
  • UFS 2.1 2-LANE

Battery

  • 3700mAh (non-removable)
  • Dash Charging (5V 4A)

Main Camera

  • 16MP (Sony IMX 519, 1.22 um, f/1.7) + 20MP (Sony IMX 376K, 1.0 um, f/1.7)
  • OIS + EIS
  • PDAF
  • Dual LED Flash
  • 4K Video @ 30/60 fps
  • 1080P Resolution @ 30/60 fps
  • 1080P Resolution @ 240 fps
  • 720p Resolution @ 30 fps
  • 720p Resolution @ 480 fps

Front Camera

  • 16MP (Sony IMX 371, 1.0 um, f/2.0)
  • EIS
  • Fixed Fucus
  • 1080p Resolution @ 30 fps
  • 720p Resolution @ 30 fps

Sensors

  • In-display Fingerprint Sensor
  • Hall Sensor
  • Accelerometer
  • Gyroscope
  • Proximity
  • RGB Ambient Light Sensor
  • Electronic Compass
  • Sensor Core

Ports

  • USB 2.0
  • Type-C
  • Support standard USB Type0-C Earphone
  • Dual Nano SIM Slot

Unlock Options

  • In-display Fingerprint Sensor
  • Face Unlock

.

Dekha jaye to OP6T ke specifications on paper to kafi badhiya lag rahe hai.

Par OP6 aur OP6T mein humein jyada kuch difference nazar nahi aa rahe.

Water Drop notch aur In-Screen Fingerprint scanner ko chhode, to lagbag baki sare features humein OP6 mein bhi dekhne mile the.

Aise mein OnePlus brand ke fans ke liye kuch hatke features to nahi mile.

Khair, har sikke ke 2 sides hote hai.

Jahaan is smartphone mein kafi saari acchi aur thodi bahot buri batein bhi hai.

To chaliye jaan lete hai OnePlus 6T ke Pros aur Cons ke baremein.

.

.

OnePlus 6T Pros

Water Drop Notch Design Display dikhne mein kafi premium lagta hai.

OP6 se compare karein to OP6T ka display thoda bada, bright aur behtar dikhta hai.

OnePlus ne is baar thodi badi battery lagayi hai, saath mein 20W ka dash charger aapke liye kafi faydemand saabit ho sakta hai.

Base varient ki baat karein to is baar OnePlus ne 64GB ke bajaay 128GB internal storage ke saath shuruvaat ki hai.

OP6 ke mukable OP6T ka OxygenOS kafi Fast aur Smooth hai.

Saath mein aapko Out-of-the-box Android Pie ka support bhi mil jata hai.

Camera department ki baat karein to kafi had tak User Interface mein improvements hai.

Appko yahaan Night Mode mil jata hai, jahaan aap low light condition mein bhi kafi acchi photography kar sakte hai.

.

OnePlus 6T Cons

OnePlus ne apne OP6T mein se 3.5mm Headphone Jack nikaal diya hai.

Aapko box mein ek USB Type-C to 3.5mm Headphone Jack adapter milta hai, jise aapko humesha saath mein leke ghumna padega.

Abhi tak OnePlus ne is smartphone ke liye koi bhi Official IP Rating declare nahi ki hai.

Yaane ke OP6T water resistance ya splash proof hai ya nahi iske baremein koi bhi jaankari moujud nahi hai.

Aapko yahaan abhibhi MicroSD card ka support nahi milta.

Jiske chalte aapko data backup ke liye Google Drive par hi depend rehna padega.

Saath hi yahaan aapko Stereo speakers bhi nahi milte, jo OnePlus se compete karne wale smartphones aapko de dete hai.

Glass back panel hone ke bavjud bhi apko yahaan wireless charging ka option nahi milta.

Camera ki baat karein to aapko yahaan Telephoto ya Ultra-Wide Angle Camera Lens nahi milti jo ki OnePlus se compete karne wale smartphones aapko de dete hai. 

 

The Android Artist Says…

OnePlus 6T launch ke baad aisa nahi lagta hai ke OnePlus ne koi tir mara hai.

Unhone bus aaj ke market senario ko compete karne ke liye apne OnePlus 6 smartphone ko hi thoda upgrade kiya hai.

Ab waise dekha jaye to OnePlus ka next smartphone OP7 agle saal June mein launch hoga.

Tab tak shayad OnePlus ke competitors Xiaomi, Honor, Asus aur even Samsung bhi OnePlus se kafi aahe nikal chuke honge.

Samsung to tri camera aur quad camera setup ke saath bakion se thoda aage nikal hi chuka hai.

Honor ke saath saath Asus ne bhi OnePlus ko beat karne ke liye apne behtarin smartphones market mein utaare hai.

Xiaomi to har mahine koi na koi smartphone market mein la raha hai.

Ab aise tagde competition mein OnePlus 6T ne inke saath barabari to kar li hai, par aanewale 5-6 mahino tak kya OnePlus 6T ka jaadu customers par chaya rahege, ye to waqt hi batayega.

Dusri taraf naya smartphone launch hone ke baad OnePlus apna purana smartphone discontinue kar deta hai.

Yaane ab OP6T launch ke baad aapko OP6 smartphone kharidneka mouka nahi milega.

Khair aapko OnePlus 6T mein kya khaas laga, kounsi baatein acchi lagi ya kounsi baatein acchi nahi lagi, ye niche comment section mein likhna na bhuliyega.

Follow Facebook Page

Join Facebook Group

1 Comment

Leave a Reply

Your email address will not be published. Required fields are marked *