Android Technology Awareness Blog # 06 : Mobile Overheating Problem | Reasons | Effects | Solutions 

Dosto aaj kal hum sabhi mobile phones mein ek common problem face kar rahe hai, wo hai mobile overheating ki problem.

Agar aap bhi ye same problem face kar rahe hai to ye post aapke bahot kaam ki hai.

Kyun ki main baat karne wala hoon ki…

smartphones overheat kyun hote hai?

Isse humare phone par kya fark padta hai?

Aur is problem ko hum kaise solve kar sakte hai?

Dosto pehle hum dekhte ki humara phone overheat kyun hota hai?

To dosto dekhiye, koi bhi electronic gadget ho ya fir koi machine ho wo garm hoti hai.

Phir chahe wo TV ho, Fan ho, Computer ho ya phir koi vehicle ho. To Humara smartphone bhi ek electronic gadget hi hai.

Aise mein Smartphone ka garm hona aam baat hai.

To iske garm hone k pheeche kya kya reasons hai hum pehle wo dekh lete hai.

 

Mobile Overheating Reason #1 : Processor

Dosto humare phone ka processor ye ek aisa component hai jo hamesha chalta rehta hai. Phir chahe aap smartphone ko use kar rahe ho ya na kar rahe ho.

Aap jitna phone ko use karoge processor utne hi tezise kam karega aur utna hi garm hoga.

Aur humare smartphones jo hai din-bar-din slim hote ja rahe hai, to woh jo heat generate hoti hai use bahar nikalneka koi rasta nahi hota.

Isiliye wo heat aap apne smartphone ke body ke upar mehsus karte hai.

 

Mobile Overheating Reason #2 :Overload

Hum apne phone me tarah tarah ke itne apps install karte hai ki wo ek samay me overload ho jata hai.

To uske karan un sabhi apps ko maintain rakhte rakhte humara processor overheat ho jata hai.

 

Mobile Overheating Reason #3 : Multi tasking

Humare phone ka processor normal task karte waqt jyada garm nahi hota.

Jaise hum koi message send karte hai, call karte hai ya phir surfing karte hai, to wo itna garm nahi hota.

Par hum agar koi heavy game khel rahe hote hai, lambe samay tak videos dekh rahe hote hai aur peeche koi downloading bhi chalu hai, to aise situation me phone garm hona aam baat hai.

 

Mobile Overheating Reason #4 : Ambient Temperature

Dosto ye ek bahot hi common reason hai humara smartphone garm hone ka.

Hum agar AC room me baithkar smartphone use kar rahe hai to wo kam garm hoga.

Hum agar room temperature mein smartphone use kar rahe hai jab temperature 30-35 degree hai to wo thoda jyada garm hoga.

Aur agar hum apne smartphone ko bahar dhoop mein use kar rahe hai jab temperature 40-45 degree hai to wo aur jyada garm hoga.

 

Mobile Overheating Reason #5 : Poor Signal

Dosto Jab hum kisi aise area me hote hai jab humare phone ko range nahi milti ya phir range bahot hi kam hoti hai, to aise mein phone jyada se jyada signal search karne mein apni power kharch kar raha hota hai.

Aur us time, agar hum multi tasking karein to phir bhai aapka phone aur jyaada garm hoga.

Dosto ye to the woh reasons jiske karan humare smartphone garm hote hai. Ab usse humare phone par kya fark padta hai woh dekh lete hai.

 

Mobile Overheating Effect #1 : Low Speed

Pehli baat ye hai ke humara smartphone ka performance slow hone lagta hai.

Humein multi tasking ke waqt pareshani hoti hai.

 

Mobile Overheating Effect #2 : Battery Drain

Dusri baat humare phone ki battery kafi had tak drain hoti hai.

Aap mese kayi logo ne in problems ko face kiya hoga. To dosto ab baat karte hai iske solution ke bare mein.

Mobile Overheating Solution #1 : heavy New App / Close running apps

Pehli baat ye ki aap ye check kar le ki aisi koi aap to nahi na ki jiske install karne ke baad humare phone me heating ki problem shuru hui ho.

Koi game ho ya phir koi antivirus, battery saver, catche cleaner jaise apps jo background me humesha chalu rehte hai.

Agar aisi koi app hai to use uninstall kar dein, aur jab aapka phone garm hota hai to us samay multi tasking na kare.

 

Mobile Overheating Solution #2 : Avoid playing heavy Games & Camera for long durations

Dosto aapne ye baat jarur notice ki hogi ki lambe samay tak heavy games khelne se ya phir lambe samay tak koi video dekhne se phone garm hota hai.

To aise mein apne aap ko thoda control karein, ki lambe samay tak aisa na kare.

 

Mobile Overheating Solution #3 : operate your decive in cool place

Dosto non AC condition ki baat ki jaaye to aap koshish karo ki phone ko room temperature mein hi use karein.

Khas kar garmiyo mein bahar dhoop me jaha temperature 40-45 degree hota hai, wahan phone ko kam se kam use karne ki koshish karein.

 

Mobile Overheating Solution #4 : charge your phone without case

Dosto ye bahot hi important baat hai ki jab hum apne phone ko charge kar rahe hote hai to phone ka temperature badh jata hai, wo heat generate kar raha hota hai.

To use waqt, aap apne phone ke cover ko nikal do. Isse phone ko heat bahar fekne me madad hogi.

 

Mobile Overheating Solution #5 : Take a rest

Dosto jaise maine aapko pehle bhi bataya tha…

“Humara smartphone bhi ek machine hai. Aur har machine heavy use ke baad garm to hoti hai.”

Dosto Smartphone use karna ye to aaj kal humari aadat hi ho chuki hai.

Par zindagi me kuch aisi bhi cheejein hai jo is smartphone se bhi kayi jyada important hai.

Humari study…

Humara kaam…

Humare dost…

Humara parivaar aur usse bhi jyaada important hai….

AAP KHUD

To jara inke liye aur khud ke liye bhi thodasa waqt nikala karo aur apne smartphone ko jara aram karne do.

Dosto mujhe ummed hai k aapke liye ye information bahot hi important sabit ho.

Aapko ye information kaisi lagi ye niche di gaye rating se mujhe jarur batayiega.

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

Leave a Reply

Your email address will not be published. Required fields are marked *