Smartphone Technology Awareness Blog # 56 : Kirin 980 – The Most Powerful Processor Ever

Dosto, agar smartphone market ko dekha jaye to yahaan humein tarah tarah ke devices dekhne mil jate hai.

Kisi ka display khoobasurat hai to kisi ka Camera Performance lajawaab hai.

Kisi ki battery capacity tagdi hai to kisi ka RAM mangement behtarin hai.

Naya smartphone kharidate samay hum in sabhi baatonpar jarur dhyan dete hai.

Hum sabhi logon ko ek All Rounder Smartphone chahiye hota hai, jiska performance ekdum badhiya ho.

Performance ki baat chal rahi hai to hum Smartphone ke Processor ko kaise bhul sakte hai.

Kyunki Processor hi ek aisa component hai jispar smartphone ka performance depend karta hai.

Processor jitna powerful hoga, performance utnahi smooth rahega.

Agar hum duniya ke most powerful smartphone Processor ki baat karein to humare saamne aata hai ek hi naam…

Qualcomm Snapdragon 845.

Par dosto, Huawei smartphone brand ne is snapdragon 845 se bhi jyada powerful chipset banaya hai.

Aisa chipset, jo aaj ke tarikh ka Most Powerful Smartphone Processor ban gaya hai.

Us Dynamic Processor ka naam hai Hisilicon Kirin 980.

Aaj hum isi kirin 980 ke baremein baat karne wale hai.

To chaliye, Get Started.

.

Kirin 980 Architecture

Smartphone ke Processor karodo transisters lage hote hai.

In transistors ki size aur ek dusre ke beech ka antar jitna kam rahega, Processor utnahi powerful ban jayega.

Saath hi Processor kam garm hoga aur battery ki khapat bhi kam hogi.

Aapne aksar 14nm ya 12nm FinFet Technology ke baremein suna hoga.

Ye wahi numbers hai to darshate hai ki Processor kitna powerful hai.

Ye number jitna kam rahega, Processor utnahi powerful hoga.

Qualcomm Snapdragon 845 bana hai 10nm FinFet Technology ke upar.

Par kirin 980 ki baat karein to ye Processor bana hai 7nm FinFet Technology ke upar, jo duniya ka sabse chota smartphone Processor hai.

“World’s 1st 7nm Mobile AI Chipset”

Ab jab transistors ki baat chal rahi hai to aapko ek baat sunkar hairani hogi.

Woh ye ke 7nm size ke is chipset mein 6.9 billion (6,90,00,00,000 = 690 crores) transistors lage hai.

Dusri taraf ye ek Octa Core Processor hai jise 2.6GHz tak clock kiya ja sakta hai.

Iske cores bhi 3 alag alag segments mein divide kiye gaye hai.

Total 8 cores mein se 2 High Performance Cortex-A76 cores clock kiye gaye hai 2.6GHz par.

To wahi 2 Mid Performance Cortex A-76 cores clock kiye gaye hai 1.92GHz par.

Aur aakhir mein 4 High Efficiency Cortex-A55 cores clock kiye gaye hai 1.8GHz ke upar.

Dosto, yahaan 8 mein se 4 cores High Efficiency ke liye clock kiye gaye hai.

jiske karan aapko yahaan kam se kam Battery aur Power istemal karke jyada performacne mil jayegi.

Sath hi aapko yahaan mil jata hai ARM dwara design kiya gaya Mali-G76 MP10 GPU, jiska clock speed hai takriban 720MHz.

.

Also Read :

.

Kirin 980 Performance

Huawei ne banaya hua Hisilicon Kirin 980 chipset, jo ki duniya ka pehla 7nm FinFet Technology par bana hua hai… Apne aap mein hi behad Powerful hai.

Ismein jo LTE Modem istemal kita gaya hai wo hai latest Cat.21.

Cat.21 LTE Modem istna powerful hai ki wo 200 Mbps ka upload speed aur 1.4 Gbps tak ka download speed support kar sakta hai.

Huawei ye dawa kar chuka hai ki ye subway area aur high-speed rails mein bhi stable connection dega.

Yaane is Processor ke chalte humara Internet speed fluctuate nahi hoga.

Saath hi ye ab tak ka pehla aisa chipset hai jo 2133MHz LPDDR4X RAM ko support karega. 

Huawei ke mutabik is GPU ke chalte aapko snapdragon 845 se 48% jyada performance aur 178% jyada power management dekhne milega.

GPS ki baat karein to ye support karta hai L1 + L5 Dual Frequency ko, jiske chalte aapko complex area mein bhi accurate location aur navigation support mil jayega.

.

.

Also Read :

.

Kirin 980 Intelligence

Aaj ke techonlogy ki duniya mein humein ek word kafi impress kar raha hai, Artificial Intelligence (AI).

Kirin 980 AI scence ko bahot hi tez adapt kar sakta hai.

  • Face Recognition
  • Object Recognition
  • Object Detection
  • Image Segmentation
  • Intelligent Translation

…jaise tasks ko apne Dual-Core NPU Brain Power se bahot hi accurate aur tezise result de sakta hai.

Jis wajah se ye sirf 1 minute mein 4,500 tak images recognize kar sakta hai, jo ki Kirin 970 ke comparison mein 120% jyada hai.

To agar camera ke saamne koi object tezise nikal jata hai, fir bhi ye use accurate focus kar sakta hai.

.

.

Also Read :

.

Kirin 980 Smartphone

Ab aisa Powerful Processor laga hua Smartphone bhi utnahi powerful honewala hai.

Huawei ke upcoming smartphone Huawei Mate 20 aur Huawei Mate 20 Pro mein yahi Kirin 980 hoga, aisa bataya jaa raha hai.

kahaan jaa raha hai ki Huawein Mate 20 Pro mein 6.9 Inches ka OLED 2K display, 40MP ka Back camera aur 24MP ka Selfie Camera honewala hai.

Iske Back camera se li gaye image ka resolution 7360 x 4912 Pixels tak ja sakta hai.

October 16, 2018 ko ye Globally launch hone wala hai.

Ab ye India mein kab tak aayega, isi baat ka hum sabhiko intejaar rahega.

.

Also Read :

.

Hisilicon Kirin 980 vs Qualcomm Snapdragon 855

Qualcomm Snapdragon 845 ko puri duniya pasand karti hai.

kafi arse se yahi processor duniya ka sabse powerful processor ka taj pehna hua hai.

Par Huawei ne isse bhi jyada powerful chipset banakar Qualcomm ke saamne ek bahot hi tagda competition khada kar diya hai.

To aise mein Qualcomm bhala piche kaise reh sakta hai. Yahaan sawaal to ijjat ka hai na!

To aise sunane ko aa raha hai ki Qualcomm apne SD800 series ka agla chipset, Snapdragon 855 isi saal ke aakhir mein launch karne wala hai.

Jo bataya jaa raha hai ki wo is Kirin 980 se bhi jyada powerful hoga.

Ab puri duniya ko bass yahi intejaar hai ki Qualcomm apna SD855 processor kab lata hai.

To us waqt Hisilicon Kirin 980 vs Qualcomm Snapdragon 855 takkar dekhne mein bada majaa aayega.

Dosto aapki iske baremein kya ray hai, ye niche comment box mein jarur batana.

Kya Kirin 980 jayda waqt tak Powerful chipset ka taaj sar pe sajaye rakhega?

ya phir kuch hi waqt mein Qualcomm wo taaj unse chin lega?

Hum aapko Powerful chip set ke takkar ke baremein update karte rahenge.

Aane wale article aap miss na karein, isiliye is blog ko subscribe karna na bhuliega.

Follow Facebook Page

Join Facebook Group

Submit your review
1
2
3
4
5
Submit
     
Cancel

Create your own review

The Android Artist
Average rating:  
 0 reviews

Leave a Reply

Your email address will not be published. Required fields are marked *